“Һайлауға барыу — гражданлыҡ бурысыбыҙ”

Борай районы Дәүләкән ауылында йәшәүсе Анатолий Галков — абруйлы хеҙмәт ветераны, оҙак йылдар колхозда бригадир вазифаһын башҡарған. Күп йылдар участка һайлау комиссияһы рәйесе булған. Хәҙер улы менән килене ошо мөһим сарала әүҙем ҡатнаша. Анатолий Ғәли улы тәжрибәле умартасы ла. Уға 19 мартта 84 йәш тула. Үҙенең 85 йәшлек юбилейын да хөрмәтле ир-уҙаманы тыныс тормошта, именлектә ҡаршы алырға теләй.