Зыяраттарҙы тәртиптә тотоу — һәр беребеҙҙең изге бурысы. Иҫәндәрҙең ҡәҙерен бел, үлгәндәрҙең ҡәберен бел, тип юҡҡа ғына әйтмәй халыҡ.
"Районыбыҙҙың ҙур булмаған Башҡортостан ауылында ла зыяратты таҙартыу буйынса өмә уҙҙы. Был изге эштә ауыл халыҡ берҙәм булып тал-сыбыҡтарҙы, ағастарҙы киҫте, тырмалар менән ҡороған үләндәрҙе йыйып түкте.Мәрхүмдәрҙе иҫкә алып, доға ҡылыу ғына етмәй, уларҙың мәңгелек төйәген дә тәртиптә тотоу фарыз. Был - беҙҙең бурысыбыҙ”, – тип хәбәр итте әүҙем ағинәй Эльвера апай Зиннәтова. – Башҡортостан ауылы халҡы был эштә берҙәм булып, зыяратты таҙартып, тәртипкә килтерҙе. Бик ҙур рәхмәт барыһына ла”.
Наилә Имаева.